ਕੈਟਰੀਨਾ ਖੁਸ਼ ਹੈ

ਕੈਟਰੀਨਾ ਨੂੰ ਇਨ੍ਹੀਂ ਦਿਨੀਂ ਬਾਕਸ ਆਫਿ਼ਸ ਦੀ ਲੱਕੀ ਲੇਡੀ ਕਿਹਾ ਜਾ ਰਿਹਾ ਹੈ। ਹੋਵੇ ਵੀ ਕਿਉਂ ਨਾ, ਉਸਦੀਆਂ ਪਿਛਲੀਆਂ ਫਿਲਮਾਂ ਸਿਲਸਿਲੇਵਾਰ ਹਿਟ ਰਹੀਆਂ ਹਨ। ਇੰਨੀਆਂ ਹਿਟ ਫਿਲਮਾਂ ਮਿਲਣ ਤੋਂ ਬਾਅਦ ਕਦੀ ਕਦੀ ਕੈਟਰੀਨਾ ਨੂੰ ਲਗਦਾ ਹੈ ਕਿ ਇਹ ਉਸਦੇ ਲਈ ਬਾਲੀਵੁੱਡ ਦੀ ਕਿਸੇ ਫਿਲਮ ਵਾਂਗ ਸਪਨਾ ਸੱਚਾ ਹੋਣ ਜਿਹੀ ਗੱਲ ਹੈ। ਉਸਦਾ ਕਹਿਣਾ ਹੈ ਕਿ ਚਾਰ ਸਾਲ ਪਹਿਲਾਂ ਜੇਕਰ ਕੋਈ ਮੇਰੇ ਬਾਰੇ ਵਿਚ ਅਜਿਹੀ ਭਵਿੱਖਬਾਣੀ ਕਰਦਾ ਤਾਂ ਮੈਂ ਉਸਨੂੰ ਝੂਠਾ ਠਹਿਰਾਉਂਦੀ, ਪਰ ਹੁਣ ਹਾਲਾਤ ਬਿਲਕੁਲ ਵੱਖ ਹਨ। ਇਹ ਮੇਰੇ ਲਈ ਸਪਨਾ ਪੂਰਾ ਹੋਣ ਜਿਹਾ ਹੈ।
ਕੈਟਰੀਨਾ ਓਵਰਸੀਜ਼ ਫਿਲਮਾਂ ਦੇ ਲਈ ਆਪਣੇ ਆਪ ਨੂੰ ਚੰਗੀ ਆਪਸ਼ਨ ਮੰਨਦੀ ਹੈ। ਉਹ ਇਸ ਲਈ  ਕਿ ਉਸਦਾ ਪਾਲਣ ਪੋਸ਼ਣ ਉਸੇ ਮਾਹੌਲ ਵਿਚ ਹੋਇਆ ਹੈ। ਮਾਂ ਬੋਲੀ ਅੰਗ੍ਰੇਜ਼ੀ ਹੋਣ ਉਹ ਇਸ ਲਈ ਪ੍ਰਾਪਤੀ ਮੰਨਦੀ ਹੈ। ਵਿਦੇਸ਼ੀ ਸਟੂਡੀਓਜ਼ ਦੇ ਨਾਲ ਟਾਈਅੱਪ ਹੋਣਾ ਕੈਟਰੀਨਾ ਚੰਗਾ ਯਤਨ ਸਮਝਦੀ ਹੈ। ਸਕਰੀਨ ‘ਤੇ ਇਕ ਖੁਸ਼ ਮਿਜਾਜ਼ ਐਨਆਰਆਈ ਲੜਕੀ ਵਾਂਗ ਦਿਸਣ ਵਾਲੀ ਕੈਟਰੀਨਾ ਖੁਸ਼ ਹੈ ਕਿ ਇਸ ਵੇਲੇ ਉਸਦੇ ਕੋਲ ਵੱਖ ਵੱਖ ਕਿਸਮ ਦੀਆਂ ਫਿਲਮਾਂ ਹਨ। ਉਹ ਜਲਦੀ ਹੀ ਰੋਮਾਂਟਿਕ ਰੋਲਜ਼ ਵਿਚ ਨਜ਼ਰ ਆਵੇਗੀ। ਇਸ ਵੇਲੇ ਉਸਦੇ ਕੋਲ ਰਾਜਕੁਮਾਰ ਸੰਤੋਸ਼ੀ ਅਤੇ ਪ੍ਰਕਾਸ਼ ਝਾਅ ਦੀਆਂ ਬੇਨਾਮ ਫਿਲਮਾਂ ਹਨ। ਹਾਲ ਹੀ ਵਿਚ ਉਸਨੇ ਯੂਟੀਵੀ ਦੇ ਨਾਲ ਦੋ ਫਿਲਮਾਂ ਦੀ ਇਕ ਡੀਲ ਸਾਈਨ ਕੀਤੀ ਹੈ, ਅਜਿਹਾ ਕਰਨ ਤੋਂ ਬਾਅਦ ਅਗਲੇ ਦੋ ਸਾਲਾਂ ਤੱਕ ਕੈਟਰੀਨਾ ਦੇ ਕੋਲ ਡੇਟਸ ਫੁੱਲ ਹਨ। ਪਰ ਤਬਦੀਲੀ ਦੇ ਲਈ ਉਹ ਇਸ ਦੌਰਾਨ ਵੀ ਤਿਆਰ ਰਹੇਗੀ ਅਤੇ ਵੱਖਰੀ ਕਿਸਮ ਫਿਲਮਾਂ ਦੇ ਲਈ ਹਾਜ਼ਰ ਰਹੇਗੀ।