ਮੁੰਬਈ- ਅਭਿਨੇਤਰੀ ਐਸ਼ਵਰਿਆ ਰਾਏ ਇੱਕ ਪਿਆਰੀ ਜਿਹੀ ਬੱਚੀ ਦੀ ਮਾਂ ਬਣ ਗਈ ਹੈ। ਸੱਭ ਤੋਂ ਪਹਿਲਾਂ ਐਸ਼ ਦੇ ਪਤੀ ਅਭਿਸ਼ੇਕ ਬੱਚਨ ਨੇ ਆਪਣੇ ਟਵੀਟ ਤੇ ਇਹ ਖੁਸ਼ਖਬਰੀ ਦਿੱਤੀ।ਇਸ ਤੋਂ ਬਾਅਦ ਅਮਿਤਾਬ ਬੱਚਨ ਨੇ ਵੀ ਟਵੀਟ ਕੀਤਾ, ‘ਮੈਨ ਦਾਦਾ ਬਣ ਗਿਆ। ਪੋਤਰੀ ਹੋਈ ਹੈ।’
ਐਸ਼ਵਰਿਆ ਇਸ ਸਮੇਂ ਮੁੰਬਈ ਦੇ ਸੈਵਨ ਹਿਲਜ਼ ਹਸਪਤਾਲ ਵਿੱਚ ਹੈ। ਬੱਚੀ ਦਾ ਜਨਮ ਬੁੱਧਵਾਰ ਸਵੇਰ ਦੇ ਸਾਢੇ ਪੰਜ ਵਜੇ ਸਿਜੇਰੀਅਨ ਅਪਰੇਸ਼ਨ ਨਾਲ ਹੋਇਆ ਹੈ। ਹਸਪਤਾਲ ਪ੍ਰਬੰਧਕਾਂ ਨੂੰ ਬੱਚਨ ਪਰੀਵਾਰ ਨੇ ਕੋਈ ਵੀ ਖ਼ਬਰ ਦੇਣ ਤੋਂ ਮਨ੍ਹਾ ਕੀਤਾ ਹੋਇਆ ਹੈ। ਹਸਪਤਾਲ ਵਿੱਚ ਸੁਰੱਖਿਆ ਦੇ ਪ੍ਰਬੰਧ ਬਹੁਤ ਸਖਤ ਕੀਤੇ ਹੋਏ ਹਨ। ਐਸ਼ ਅਤੇ ਬੱਚਨ ਪਰੀਵਾਰ ਦੇ ਪ੍ਰਸੰਸਕ ਉਨ੍ਹਾਂ ਦੇ ਘਰ ਅਤੇ ਹਸਪਤਾਲ ਦੇ ਬਾਹਰ ਲਾਈਨਾਂ ਲਗਾ ਕੇ ਖੜ੍ਹੇ ਹਨ