ਪੈਰਿਸ ਵਿੱਚ ਚਾਇਨਾ ਮੁਲ ਦੇ ਲੋਕਾ ਨੇ ਆਪਣਾ ਨਵਾਂ ਸਾਲ ਧੂਮ ਧਾਮ ਨਾਲ ਮਨਾਇਆ

ਫਰਾਂਸ, ( ਸੰਧੂ ) – ਅੱਜ ਇਥੇ ਚੀਨੀ ਮੂਲ ਦੇ ਲੋਕਾਂ ਨੇ ਪੈਰਿਸ ਦੀਆ ਗਲੀਆਂ ਵਿੱਚ ਢੋਲ ਧਮੱਕੇ ਨਾਲ ਤੇ ਪਟਾਕੇ ਚਲਾਕੇ ਨਵੇਂ ਸਾਲ ਨੂੰ ਜੀ ਆਇਆਂ ਕਿਹਾ।ਚੀਨੀ ਲੋਕ ਇਸ ਨਵੇਂ ਸਾਲ ਨੂੰ ਡਰਾਗਨ ਦਾ ਸਾਲ ਕਹਿੰਦੇ ਹਨ।ਨੌਜੁਆਨ ਮੁੰਡੇ ਕੁੜੀਆਂ ਨੇ ਡਰਾਗਨ ਦਾ ਰੂਪ ਧਾਰ ਕੇ ਢੋਲ ਦੀ ਤਾਲ ਤੇ ਭੰਗੜੇ ਪਾਕੇ ਗਲੀਆਂ ਵਿੱਚ ਖੂਬ ਰੰਗ ਬੰਨਿਆ।ਬੰਡਲਾ ਦੇ ਬੰਡਲ ਪਟਾਕੇ ਵੀ ਚਲਾਏ।ਚੀਨੀ ਦੁਕਾਨਦਾਰਾਂ ਨੇ ਖੁਸ਼ੀ ਖੁਸ਼ੀ ਇਹਨਾਂ ਲੋਕਾਂ ਨੁੰ ਬਖਸ਼ੀਸ ਵਜੋਂ ਪੈਸੇ ਦਿੱਤੇ।ਅਸਚਰਜ਼ ਭਰੀ ਗੱਲ ਇਹ ਸੀ ਕਿ ਬਿਨ੍ਹਾਂ ਕਿਸੇ ਹੁਲੜ ਬਾਜ਼ੀ ਦੇ ਧੂਏਂ ਦੇ ਪਟਾਕਿਆਂ ਨਾਲ ਕਮਰੇ ਜਿੱਡੇ ਗੁਬਾਰੇ ਬਣ ਬਣ ਉਡ ਰਹੇ ਸਨ ਲੋਕੀ ਅਰਾਮ ਨੇ ਵੇਖ ਕੇ ਖੜੇ ਹੱਸ ਰਹੇ ਸਨ।