ਤਮਿਲ ਫਿਲਮਾਂ ਦੇ ਸੁਪਰਸਟਾਰ ਰਜਨੀਕਾਂਤ ਦੀ ਆਉਣ ਵਾਲੀ ਫਿਲਮ ਲਈ ਬਾਲੀਵੁੱਡ ਦੀ ਅਦਾਕਾਰਾ ਦੀਪਿਕਾ ਪਾਦੂਕੋਨ ਨੂੰ ਸਾਈਨ ਕੀਤਾ ਗਿਆ ਹੈ। ਦੀਪਿਕਾ ਪਾਦੁਕੋਨ ਦੀ ਪੀਆਰ ਟੀਮ ਦੇ ਨਾਲ ਨਾਲ ਫਿਲਮ ‘ਕੋਚਡੈਯਾਨ’ ਦੇ ਨਿਰਮਾਤਾਵਾਂ ਵਲੋਂ ਵੀ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਗਈ ਹੈ। ਕੋਚਡੈਯਾਨ ਨੂੰ ਰਜਨੀਕਾਂਤ ਦੀ ਬੇਟੀ ਸੌਂਦਰਿਆ ਨਿਰਦੇਸ਼ਤ ਕਰ ਰਹੀ ਹੈ।
ਇਸ ਫਿਲਮ ਵਿਚ ਸਪੈਸ਼ਲ ਇਫੈਕਟਸ ਦੀ ਵਰਤੋਂ ਕੀਤੀ ਜਾਵੇਗੀ। ਸੂਤਰਾਂ ਅਨੁਸਾਰ ਇਹ ਫਿਲਮ ਇਕ ਹਾਈਟੈਕ ਫਿਲਮ ਹੋਵੇਗੀ ਜਿਸਨੂੰ ਥ੍ਰੀ ਡੀ ਵਿਚ ਵੀ ਬਣਾਇਆ ਜਾਵੇਗਾ। ਇਸ ਫਿਲਮ ਵਿਚ ਬਾਲੀਵੁੱਡ ਅਦਾਕਾਰ ਜੈਕੀ ਸ਼ਰਾਫ਼ ਨੂੰ ਵੀ ਲਿਆ ਗਿਆ ਹੈ। ਇਸਤੋਂ ਪਹਿਲਾਂ ਦੀਪਿਕਾ ਨੂੰ ਰਜਨੀਕਾਂਤ ਦੇ ਨਾਲ ‘ਰਾਣਾ’ ਫਿਲਮ ਲਈ ਸਾਈਨ ਕੀਤਾ ਗਿਆ ਸੀ ਪਰੰਤੂ ਰਜਨੀਕਾਂਤ ਦੇ ਬਿਮਾਰ ਹੋਣ ਪਿਛੋਂ ਇਸ ਫਿਲਮ ਦੀ ਸ਼ੂਟਿੰਗ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤੀ ਗਈ ਸੀ।