ਸਬੰਧ

ਤੇਰਾ ਮੇਰਾ ਸਾਕ ਗੂੜਾ
ਫਰਕ ਇੰਨਾ ਹੀ ਹੈ,
ਤੂੰ ਪੂਰਾ ਮੈ ਅਧੂਰਾ।
ਤੇਰੀ ਮੇਰੀ ਸਾਂਝ ਪੱਕੀ,
ਫਰਕ ਇੰਨਾ ਹੀ ਹੈ,
ਤੂੰ ਵਿਸ਼ਵਾਸੀ ਮੈ ਸ਼ੱਕੀ।

ਤੇਰੀ ਮੇਰੀ ਮੁੱਹਬਤ ਲੰਮੀ,
ਅੰਤਰ ਇੰਨਾ ਹੀ  ਹੈ’
ਤੂੰ ਮਾਲਕ ਮੈ ਕੰਮੀ।
ਤੇਰੀ ਮੇਰੀ ਨਿੱਤ ਦੀ ਯਾਰੀ,
ਅੰਤਰ ਇੰਨਾ ਹੀ  ਹੈ,
ਤੂੰ ਪਾਲੀ ਮੈ ਖਿਲਾਰੀ।
ਆਪਾਂ ਦੋਂਵੇ ਹੈ ਸਬੰਧੀ,
ਫਰਕ ਇੰਨਾ ਹੀ ਹੈ,
ਤੂੰ ਸ਼ਹਿਨਸ਼ਾਹ ਮੈ ਬੰਧੀ।
ਤੂੰ ਮੈਨੂੰ ਜਾਣੇ ਮੈ ਤੈਨੂੰ ਹੈ ਜਾਣਦਾ,
ਫਰਕ ਇੰਨਾ ਹੀ   ਹੈ,
ਮੈ ਦੇਖ ਨਹੀ ਸਕਦਾ, ਤੂੰ ਮੈਨੂੰ ਹਰ ਥਾਂ ਪਛਾਣਦਾ।
ਦੋਹਾਂ ਵਿਚ ਇਹ ਸਿਲਸਿਲਾ ਚੱਲਦਾ ਰੱਖੀ,
ਚਾਹੇ ਖੇਲਾ ਵਿਚ ਮੈ ਲੱਖੀ ਜਾਂ ਰੁਲ ਜਾਂ ਕੱਖੀ।