ਪੈਰਿਸ ਵਿੱਚ ਲੁਕਸ ਘੜੀਆਂ ਦੇ ਕਾਰਖਾਨੇ ਵਿੱਚ ਚੋਰੀ

ਫਰਾਂਸ, (ਸੁਖਵੀਰ ਸਿੰਘ ਸੰਧੂ) – ਪੈਰਿਸ ਦੇ ਵਿਚਕਾਰ ਮਾਰਕੇ ਦੀਆਂ ਘੜੀਆਂ ਦੀ ਮਰੁੰਮਤ ਕਰਨ ਵਾਲੇ ਕਾਰਖਾਨੇ ਵਿੱਚ ਘੁਸ ਕੇ ਚੋਰਾਂ ਨੇ ਇੱਕ ਲੱਖ ੲੈਰੋ ਦੇ ਕਰੀਬ ਮਹਿੰਗੀਆਂ ਘੜੀਆਂ ਚੋਰੀ ਕਰ ਲਈਆਂ ਹਨ।ਹੋਇਆ ਇਸ ਤਰ੍ਹਾਂ ਕਿ ਦੋ ਚੋਰ ਕਾਰਖਾਨੇ ਦੀ ਛੱਤ ਉਪਰ ਦੀ ਆਏ ਅਤੇ ਤਾਕੀ ਵਿੱਚ ਦੀ ਅੰਦਰ ਵੜ ਗਏ।ਜਿਹੜੀ ਕਿ ਪਹਿਲਾਂ ਹੀ ਖੁੱਲੀ ਪਈ ਸੀ।ਚੋਰਾਂ ਨੇ ਅੰਦਰ ਵੜਦਿਆਂ ਹੀ ਪਿਸਤੋਲ ਵਿਖਾ ਕੇ ਕਾਰਖਾਨੇ ਵਿੱਚ ਕੰਮ ਕਰਨ ਵਾਲੇ ਕਾਮੇ ਨੂੰ ਧਰਤੀ ਤੇ ਲੇਟ ਜਾਣ ਲਈ ਕਿਹਾ।ਤੇ ਦੂਸਰੇ ਨੇ ਲੁਕਸ ਘੜੀਆਂ ਚੁੱਕਣੀਆਂ ਸੁਰੂ ਕਰ ਦਿੱਤੀਆਂ। ਥੋੜੀ ਦੇਰ ਵਿੱਚ ਹੀ ਚੋਰ ਇੱਕ ਲੱਖ ੲੈਰੋ ਦੇ ਕਰੀਬ ਦੀਆਂ ਘੜੀਆਂ ਲੈ ਕੇ ਫਰਾਰ ਹੋ ਗਏ। ਇਥੇ ਦੀ ਫਸਟ ਗ੍ਰੇਡ ਪੁਲਿਸ ਚੋਰਾਂ ਦੀ ਸਰਗਰਮੀ ਨਾਲ ਭਾਲ ਕਰ ਰਹੀ ਹੈ।