ਜਗਦੇਵ ਸਿੰਘ ਜੱਸੋਵਾਲ ਦੀ ਆਤਮਿਕ ਸ਼ਾਂਤੀ ਲਈ ਚੇਤਨਾ ਮਾਰਚ 27 ਦਸੰਬਰ ਨੂੰ

ਲੁਧਿਆਣਾ : ਪ੍ਰੋਫੈਸਰ ਮੋਹਨ ਸਿੰਘ ਮੈਮੋਰੀਅਲ ਫਾਊਂਡੇਸ਼ਨ ਅਤੇ ਜਗਦੇਵ ਸਿੰਘ ਜੱਸੋਵਾਲ ਚੈਰੀਟੇਬਲ ਟਰੱਸਟ
ਵੱਲੋਂ ਸਭਿਆਚਾਰਕ ਮੇਲਿਆਂ ਦੇ ਸਰਦਾਰ ਵਜੋਂ ਜਾਣੇ ਜਾਂਦ  ਪੰਜਾਬੀ ਮਾਂ ਬੋਲੀ ਦੇ ਝੰਡਾ ਬਰਦਾਰ ਸ. ਜਗਦੇਵ ਸਿੰਘ ਜੱਸੋਵਾਲ ਦੀ ਆਤਮਿਕ ਸ਼ਾਂਤੀ ਲਈ ਚੇਤਨਾ ਮਾਰਚ 27 ਦਸੰਬਰ 2014 ਦਿਨ ਸ਼ਨੀਵਾਰ ਨੂੰ ਅਯੋਜਿਤ ਕੀਤਾ ਜਾਵੇਗਾ ।ਫਾਊਂਡੇਸ਼ਨ ਦੇ ਪ੍ਰਧਾਨ ਪਰਗਟ ਸਿੰਘ ਗਰੇਵਾਲ ਅਤੇ ਟਰੱਸਟ ਦੇ  ਚੇਅਰਮੈਨ ਮਾਸਟਰ ਸਾਧੂ ਸਿੰਘ ਗਰੇਵਾਲ ਨੇ ਦਸਿਆ ਕਿ ਇਸ ਚੇਤਨਾ ਮਾਰਚ ਦੇ ਕਨਵੀਨਰ ਲੋਕ ਗਾਇਕ ਰਵਿੰਦਰ ਗਰੇਵਾਲ ਹੋਣਗੇ ।ਇਸ ਚੇਤਨਾ ਮਾਰਚ ਸਬੰਧੀ ਰਵਿੰਦਰ ਗਰੇਵਾਲ ਨੇ ਕਲਾਕਾਰਾਂ ਅਤੇ ਸਮੂਹ ਪੰਜਾਬੀ ਪਿਆਰਿਆਂ ਨੂੰ  ਅਪੀਲ ਕੀਤੀ ਹੈ ਕਿ ਉਹ 27 ਦਸੰਬਰ ਨੂੰ ਠੀਕ ਸ਼ਾਮੀ 3 ਵਜੇ ਗੁਰਦੇਵ ਨਗਰ ਸਥਿਤ ਸ. ਜੱਸੋਵਾਲ ਦੇ ਗ੍ਰਹਿ ਵਿਖੇ ਪਹੁੰਚਣ ਦੀ ਕਿਰਪਾਲਤਾ ਕਰਨ ਜਿਥੋਂ ਚੱਲਕੇ ਇਹ ਕਾਫਲਾ ਆਰਤੀ ਚੌਂਕ ( ਪ੍ਰੋ ਮੋਹਨ ਸਿੰਘ ਬੁੱਤ ) ਤੱਕ ਪਹੰਚੇਗਾ ਅਤੇ ਮੋਮਬੱਤੀਆਂ ਜਗਾ ਕੇ ਅਮਨ ਸ਼ਾਂਤੀ,ਆਪਸੀ ਭਾਈਚਾਰੇ ਅਤੇ  ਪੰਜਾਬੀਅਤ ਦੀ ਚੜਦੀ ਕਲਾ ਲਈ ਦੁਆ ਕਰੇਗਾ ।