ਮੁੰਬਈ- ਪ੍ਰਸਿੱਧ ਫਿਲਮ ਸਟਾਰ ਸਲਮਾਨ ਖਾਨ ਦੇ ਪਿਤਾ ਅਤੇ ਮਸ਼ਹੂਰ ਸਕਰਿਪਟ ਰਾਈਟਰ ਸਲੀਮ ਖਾਨ ਨੇ ਪਦਮ ਸ਼੍ਰੀ ਅਵਾਰਡ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਸਲੀਮ ਖਾਨ ਨੇ ਕਿਹਾ ਕਿ ਮੈਂ ਪਦਮ ਸ਼੍ਰੀ ਅਵਾਰਡ ਦੇ ਖਿਲਾਫ਼ ਨਹੀਂ ਹਾਂ ਪਰ ਮੈਨੂੰ ਇਹ ਅਵਾਰਡ ਦੇਣ ਵਿੱਚ ਸਰਕਾਰ ਨੇ ਬਹੁਤ ਦੇਰ ਕਰ ਦਿੱਤੀ ਹੈ। ਹੁਣ ਮੈਨੂੰ ਕੁਝ ਅਜਿਹਾ ਮਿਲਣਾ ਚਾਹੀਦਾ ਹੈ ਜੋ ਮੇਰੇ ਲੈਵਲ ਦਾ ਹੋਵੇ। ਉਨ੍ਹਾਂ ਨੇ ਕਿਹਾ ਕਿ ਪਦਮ ਸ੍ਰੀ ਤਾਂ ਮੇਰੇ ਤੋਂ ਜੂਨੀਅਰ ਪੰਜਾਹ ਲੋਕਾਂ ਨੂੰ ਮਿਲ ਚੁੱਕਿਆ ਹੈ। ਕੀ 79 ਸਾਲ ਦੀ ਉਮਰ ਵਿੱਚ ਮੈਨੂੰ ਇਹ ਅਵਾਰਡ ਮਿਲਣਾ ਉਚਿਤ ਹੈ।
ਸਲੀਮ ਖਾਨ ਨੇ ਜਾਵੇਦ ਅਖਤਰ ਨਾਲ ਮਿਲ ਕੇ ਦੀਵਾਰ, ਸ਼ੋਲੇ, ਜੰਜੀਰ ਅਤੇ ਤਿਰਸ਼ੂਲ ਵਰਗੀਆਂ ਸਫਲ ਫਿਲਮਾਂ ਦੀ ਕਹਾਣੀ ਲਿਖੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦੀ ਕਾਰਜ ਪ੍ਰਣਾਲੀ ਵਿੱਚ ਕੁਝ ਤਾਂ ਗੱਲਤ ਹੈ।