ਨਵੀਂ ਦਿੱਲੀ: ਅਗਲੇ ਮਹੀਨੇ ਦੱਖਣੀ ਅਫ਼ਰੀਕਾ ਜਾਣ ਵਾਲੀ ਕ੍ਰਿਕਟ ਟੀਮ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ ਜਾਵੇਗੀ। ਇਹ ਵਿਚਾਰ ਪ੍ਰਗਟਾਉਂਦਿਆਂ ਭਾਰਤੀ ਕ੍ਰਿਕਟ ਟੀਮ ਦੇ ਕੋਚ ਰਵੀ ਸ਼ਾਸਤਰੀ ਨੇ ਕਿਹਾ ਕਿ ਅਸੀਂ ਵਿਰੋਧੀ ਟੀਮ ਦਾ ਸਨਮਾਨ ਕਰਦੇ ਹਾਂ ਅਤੇ ਸਾਡਾ ਹਰੇਕ ਮੈਚ ਘਰੇਲੂ ਮੈਚ ਹੁੰਦਾ ਹੈ।
ਸ਼ਾਸਤਰੀ ਨੇ ਕਿਹਾ ਅਗਲਾ ਦੌਰਾ ਦੱਖਣੀ ਅਫ਼ਰੀਕਾ ਦਾ ਹੈ, ਜਿਥੇ ਅਸੀਂ ਇਕ ਵੀ ਸੀਰੀਜ਼ ਨਹੀਂ ਜਿੱਤੀ। ਸਾਡੀ ਇਸ ਟੀਮ ਕੋਲ ਕੁਝ ਵਖਰਾ ਕਰਨ ਦਾ ਵਿਸ਼ਵਾਸ ਹੈ। ਧੋਨੀ ਦੀ ਖੇਡ ਸਬੰਧੀ ਟੀਕਾ ਟਿਪਣੀ ਕਰਨ ਵਾਲਿਆਂ ਨੂੰ ਵੀ ਸ਼ਾਸਤਰੀ ਨੇ ਦੋਹੀਂ ਹੱਥੀਂ ਲਿਆ। ਉਨ੍ਹਾਂ ਨੇ ਕਿਹਾ ਕਿ ਧੋਨੀ ਦੀ ਉਮਰ ਭਾਵੇਂ 36 ਸਾਲ ਦੀ ਹੋ ਗਈ ਹੈ ਪਰ ਉਹ ਹੁਣ ਵੀ ਆਪਣੀ ਉਮਰ ਤੋਂ 10 ਸਾਲ ਛੋਟੇ ਖਿਡਾਰੀਆਂ ਨੂੰ ਟੱਕਰ ਦੇ ਸਕਦਾ ਹੈ। ਅਸੀਂ ਜਾਣਦੇ ਹਾਂ ਮਹਿੰਦਰ ਸਿੰਘ ਧੋਨੀ ਇਸ ਉਮਰ ਵਿਚ ਵੀ 26 ਸਾਲ ਦੀ ਉਮਰ ਦੇ ਖਿਡਾਰੀਆਂ ਤੋਂ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਹੈ।