ਦੀਪ ਸਿੱਧੂ ਸ਼ਾਂਤੀ ਮਾਰਚ ਪਿੰਡ ਮਹਿੰਦੀਪੁਰ ਦੇ ਗੁਰੂਦੁਆਰਾ ਸਾਹਿਬ ਤੋਂ ਸਤਨਾਮ ਵਾਹਿਗੁਰੂ ਦੇ ਜਾਪ ਨਾਲ ਹੋਇਆ ਰਵਾਨਾ

ਬਲਾਚੌਰ, (ਉਮੇਸ਼ ਜੋਸ਼ੀ) – ਨਗਰ ਕੌਸਲ ਬਲਾਚੌਰ ਵਿੱਚ ਪੈਂਦੇ ਪਿੰਡ ਮਹਿੰਦੀਪੁਰ ਦੇ ਗੁਰੂਦੁਆਰਾ ਸਿੰਘ ਸਭਾ ਵਿਖੇ ਪੰਜਾਬ ਦੇ ਨਾਮਵਰ ਫਿਲਮੀ ਅਦਾਕਾਰ ਦੀਪ ਸਿੱਧੂ ਦੀ ਆਤਮਿਕ ਸ਼ਾਂਤੀ ਲਈ ਕੀਤੀ ਗਈ ਅਰਦਾਸ ਵਿੱਚ ਸਥਾਨਕ ਸ਼ਹਿਰ ਬਲਾਚੌਰ ਅਤੇ ਵੱਖ ਵੱਖ ਪਿੰਡਾ ਤੋਂ ਆਈ  ਸੰਗਤ ਸ਼ਾਮਲ ਹੋਈ ।ਗੁਰੂਦੁਆਰਾ ਸਾਹਿਬ ਤੋਂ ਅਰਦਾਸ ਸਮਾਗਮ ਉਪਰੰਤ ਸ਼ਾਂਤੀ ਸ਼ਰਧਾਂਜ਼ਲੀ ਮਾਰਚ ਰਵਾਨਾ ਹੋਇਆ ਜਿਸ ਵਿੱਚ ਵੱਡੀ ਗਿਣਤੀ ਨੌਜਵਾਨਾ ਅਤੇ ਬੀਬੀਆ ਨੇ ਹਿੱਸਾ ਲਿਆ । ਰਵਾਨਾ ਹੋਏ ਇਸ ਮਾਰਚ ਦੇ ਅੱਗੇ ਅੱਗੇ ਨੌਜਵਾਨਾ ਵਲੋਂ ਕੇਸਰੀ ਝੰਡੇ ਚੁੱਕੇ ਹੋਏ ਸਨ ਅਤੇ ਉਹਨਾ ਤੋਂ ਪਿੱਛੇ ਵੱਖ ਵੱਖ ਸਲੋਗਨਾ ਵਾਲੀਆ ਤਖਤੀਆ ਫੜ ਕੇ ਸੰਗਤ ਚੱਲ ਰਹੀ ਸੀ । ਗੁਰੂਦੁਆਰਾ ਮਹਿੰਦੀਪੁਰ ਤੋਂ ਸਤਿਨਾਮ ਵਾਹਿਗੁਰੂ ਦੇ ਜਾਪ ਨਾਲ ਰਵਾਨਾ ਹੋਇਆ ਇਹ ਸ਼ਰਧਾਂਜ਼ਲੀ ਮਾਰਚ ਤਹਿਸੀਲ ਕੰਪਲੈਕਸ ਬਲਾਚੌਰ ਵਾਲੀ ਗਲੀ ਤੋਂ ਹੁੰਦਾ ਹੋਇਆ ਗੜਸੰ਼ਕਰ ਰੋਡ, ਮੇਨ ਚੌਕ ਪੁੱਜਾ ਜਿੱਥੇ ਵੱਖ ਵੱਖ ਸਿੱਖ ਜਥੇਬੰਦੀਆਂ ਦੇ ਆਗੂਆ ਨੇ ਸੰਬੋਧਨ ਕਰਦਿਆ ਆਖਿਆ ਕਿ ਅਦਾਕਾਰ ਦੀਪ ਸਿੱਧੂ ਨੇ ਹਮੇਸ਼ਾ ਹੀ ਪੰਜਾਬ ਦੇ ਪਾਣੀਆ, ਕਿਸਾਨੀ ਸਮੇਤ ਪੰਜਾਬ ਦੇ ਵੱਖ ਵੱਖ ਮੁੱਦਿਆ ਉਪਰ ਗੱਲ ਕਰਦਾ ਸੀ ਉਥੇ ਹੀ ਉਨ੍ਹਾਂ ਵਲੋਂ ਕਿਸਾਨੀ ਅੰਦੋਲਨ ਵਿੱਚ ਆਪਣਾ ਵੱਡਾ ਸਹਿਯੋਗ ਦਿੰਦਿਆ ਅੰਦੋਲਨ ਵਿੱਚ ਨਵੀਂ ਜਾਨ ਭਰੀ ਸੀ । ਇਸ ਉਪਰੰਤ ਸ਼ਰਧਾਂਜ਼ਲੀ ਮਾਰਚ ਵਾਪਿਸ ਗੁਰੂਦੁਆਰਾ ਸਾਹਿਬ ਸਮਾਪਤ ਹੋਇਆ ।