ਸਕਾਟਲੈਂਡ : ਸਕਾਟਿਸ਼ ਮਾਊਂਟੇਨ ਬਚਾਅ ਟੀਮਾਂ ਨੇ ਪਿਛਲੇ ਸਾਲ ਬਚਾਈ ਸੈਂਕੜੇ ਲੋਕਾਂ ਦੀ ਜਾਨ

ਗਲਾਸਗੋ, (ਮਨਦੀਪ ਖੁਰਮੀ ਹਿੰਮਤਪੁਰਾ) – ਸਕਾਟਲੈਂਡ ਵਿੱਚ ਪਿਛਲੇ ਸਾਲ 2021 ‘ਚ ਸਕਾਟਲੈਂਡ ਦੀਆਂ ਸਵੈ ਸੇਵੀ ਮਾਊਂਟੇਨ ਬਚਾਅ ਟੀਮਾਂ ਦੁਆਰਾ ਪਹਾੜਾਂ ‘ਤੇ ਗਏ ਸੈਂਕੜੇ ਲੋਕਾਂ ਦੀ ਜਾਨ ਬਚਾਈ ਗਈ ਹੈ। ਇਹਨਾਂ ਸਵੈ-ਸੇਵੀ ਟੀਮਾਂ ਦੁਆਰਾ ਸੈਂਕੜੇ ਲੋਕਾਂ ਨੂੰ ਸਕਾਟਲੈਂਡ ਦੇ ਪਹਾੜਾਂ ਤੋਂ ਬਚਾਇਆ ਗਿਆ। ਇਸ ਸੰਬੰਧੀ ਸਕਾਟਿਸ਼ ਮਾਉਂਟੇਨ ਰੈਸਕਿਊ (SMR) ਦੇ ਅੰਕੜਿਆਂ ਅਨੁਸਾਰ, 2021 ਦੌਰਾਨ ਦੇਸ਼ ਭਰ ਵਿੱਚ 660 ਤੋਂ ਵੱਧ ਘਟਨਾਵਾਂ ਵਿੱਚੋਂ ਕੁੱਲ 19 ਮੌਤਾਂ ਦਰਜ ਕੀਤੀਆਂ ਗਈਆਂ। ਇਹਨਾਂ ਟੀਮਾਂ ਦੇ ਅਮਲੇ ਨੂੰ ਐਡਿਨਬਰਾ, ਫਾਈਫ, ਲੋਥੀਅਨਜ਼ ਅਤੇ ਟੇਸਾਈਡ ਵਿੱਚ ਸ਼ਹਿਰੀ ਕੇਂਦਰਾਂ ਦੇ ਨੇੜੇ ਐਮਰਜੈਂਸੀ ਕਾਲਾਂ ਦੀ ਵੱਧ ਰਹੀ ਗਿਣਤੀ ਦਾ ਸਾਹਮਣਾ ਕਰਨਾ ਪਿਆ। ਸੰਸਥਾ ਦੀ ਸਾਲਾਨਾ ਰਿਪੋਰਟ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਪਹਾੜੀ ਬਚਾਅ ਟੀਮਾਂ (ਐਮ ਆਰ ਟੀ) ਨੇ ਪਿਛਲੇ 12 ਮਹੀਨਿਆਂ ਵਿੱਚ ਸਕਾਟਲੈਂਡ ਦੀਆਂ ਚੋਟੀਆਂ ‘ਤੇ ਗਸ਼ਤ ਕਰਨ ਲਈ 30,000 ਘੰਟੇ ਦਿੱਤੇ ਅਤੇ ਟੀਮਾਂ ਨੇ ਗੰਭੀਰ ਸੱਟਾਂ, ਨੈਵੀਗੇਸ਼ਨ ਪ੍ਰਣਾਲੀਆਂ ਵਿੱਚ ਅਸਫਲਤਾਵਾਂ ਕਾਰਨ ਪੈਦਲ ਚੱਲਣ ਕਰਕੇ ਗੁੰਮ ਹੋ ਜਾਣ ਅਤੇ ਮਾੜੇ ਮੌਸਮ ਦੀਆਂ ਸਥਿਤੀਆਂ ਕਾਰਨ ਸੰਕਟ ਦਾ ਸਾਹਮਣਾ ਕਰਨ ਵਾਲਿਆਂ ਲਈ ਸਹਾਇਤਾ ਕੀਤੀ। ਪਿਛਲੇ ਸਾਲ ਦੌਰਾਨ 25 ਵਲੰਟੀਅਰ ਅਮਲੇ ਤੋਂ ਇਲਾਵਾ ਪੁਲਿਸ ਸਕਾਟਲੈਂਡ ਤੋਂ ਤਿੰਨ MRT ਸਕੁਐਡ ਅਤੇ ਇੱਕ RAF ਤੋਂ ਕੁੱਲ 951 ਵੱਖ-ਵੱਖ ਕਾਲ-ਆਊਟ ਵੀ ਰਿਕਾਰਡ ਕੀਤੇ ਗਏ ਸਨ। 19 ਮੌਤਾਂ ਵਿੱਚੋਂ, ਸੱਤ ਨੂੰ ਪਹਾੜੀ ਚੜ੍ਹਨ ਦੀਆਂ ਘਟਨਾਵਾਂ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਸੀ, ਜਦੋਂ ਕਿ ਅਮਲੇ ਨੇ 15 ਸਰੀਰ ਰਿਕਵਰੀ ਓਪਰੇਸ਼ਨਾਂ ਵਿੱਚ ਹਿੱਸਾ ਲਿਆ ਸੀ। ਇਸਦੇ ਨਾਲ ਹੀ ਬਚਾਅ ਕਾਰਜਾਂ ਦੌਰਾਨ ਕੁੱਝ ਜਾਨਵਰਾਂ ਨੂੰ ਵੀ ਬਚਾਇਆ ਗਿਆ ਸੀ।