ਚੰਡੀਗੜ੍ਹ ਯੂਨੀਵਰਸਿਟੀ ਵਿਖੇ ਸੰਗੀਤਕ ਸ਼ਾਮ ਦੌਰਾਨ ਫ਼ਿਲਮ ਸ਼ਮਸ਼ੇਰਾ ਦੀ ਟੀਮ ਅਤੇ ਹੋਰ ਸਖ਼ਸ਼ੀਅਤਾਂ ਵਿਦਿਆਰਥੀਆਂ ਦਾ ਰੂਬਰੂ ਹੁੰਦੇ ਹੋਏ।
ਚੰਡੀਗੜ੍ਹ ਯੂਨੀਵਰਸਿਟੀ ਘੜੂੰਆਂ ਵਿਖੇ ਸੰਗੀਤਕ ਸ਼ਾਮ ਦੌਰਾਨ ਹਿੰਦੀ ਫ਼ਿਲਮ ‘ਸ਼ਮਸ਼ੇਰਾ’ ਦੀ ਸਮੁੱਚੀ ਸਟਾਰਕਾਸਟ ਨੇ ਸ਼ਮੂਲੀਅਤ ਕਰਦਿਆਂ ’ਵਰਸਿਟੀ ਦੇ ਵਿਹੜੇ ਦੀ ਰੌਣਕ ਵਧਾਈ। ਇਸ ਦੌਰਾਨ ਬਾਲੀਵੁੱਡ ਦੇ ਉਘੇ ਅਦਾਕਾਰ ਸੰਜੇ ਦੱਤ, ਰਣਬੀਰ ਕਪੂਰ, ਅਦਾਕਾਰਾ ਵਾਣੀ ਕਪੂਰ, ਪਲੇਅਬੈਕ ਗਾਇਕ ਸੁਖਵਿੰਦਰ ਸਿੰਘ, ਗਾਇਕਾ ਨੀਤੀ ਮੋਹਨ, ਅਦਿੱਤਿਆ ਨਰਾਇਣ, ਮਿਥੂਨ ਸ਼ਰਮਾ, ਰੀਚਾ ਸ਼ਰਮਾ, ਅਭੀਸ਼ੇਕ ਨੇਲਵਾਲ ਅਤੇ ਸ਼ਾਦਾਬ ਫਾਰਿਦੀ ਨੇ ਹਾਜ਼ਰੀ ਲਗਵਾਈ।
ਸਮਾਗਮ ਦੌਰਾਨ ਰਣਬੀਰ ਕਪੂਰ ਅਤੇ ਵਾਣੀ ਕਪੂਰ ਨੇ ਫ਼ਿਲਮ ਸ਼ਮਸ਼ੇਰਾ ਦੇ ਗੀਤਾਂ ’ਤੇ ਸ਼ਾਨਦਾਰ ਪੇਸ਼ਕਾਰੀਆਂ ਦਿੰਦਿਆਂ ’ਵਰਸਿਟੀ ਦੇ ਵਿਦਿਆਰਥੀਆਂ ਦਾ ਖੂਬ ਸਮਾਂ ਬੰਨਿ੍ਹਆਂ। ਇਸ ਤੋਂ ਇਲਾਵਾ ਬਾਲੀਵੁੱਡ ਦੇ ਉਘੇ ਅਦਾਕਾਰ ਸੰਜੇ ਦੱਤ ਨੇ ਫ਼ਿਲਮ ’ਚ ਆਪਣੇ ਕਿਰਦਾਰ ਬਾਰੇ ਵਿਦਿਆਰਥੀਆਂ ਨਾਲ ਜਾਣਕਾਰੀ ਸਾਂਝੀ ਕੀਤੀ।ਉਘੇ ਕਲਾਕਾਰ ਸੁਖਵਿੰਦਰ ਸਿੰਘ ਨੇ ਆਪਣੇ ਇੱਕ ਤੋਂ ਵੱਧ ਇੱਕ ਪ੍ਰਸਿੱਧ ਗੀਤਾਂ ਨਾਲ ਹਾਜ਼ਰੀਨਾਂ ਨੂੰ ਝੂੰਮਣ ਲਈ ਮਜ਼ਬੂਰ ਕਰ ਦਿੱਤਾ। ਇਸੇ ਤਰ੍ਹਾਂ ਗਾਇਕਾ ਨੀਤੀ ਮੋਹਨ ਦੀ ਪੇਸ਼ਕਾਰੀ ਨੇ ਵੀ ਦਰਸ਼ਕਾਂ ਤੋਂ ਖੂਬ ਵਾਹ ਵਾਹ ਲੁੱਟੀ। ’ਵਰਸਿਟੀ ਦੇ ਵਿਦਿਆਰਥੀਆਂ ਨੇ ਬਾਲੀਵੁੱਡ ਦੀਆਂ ਦਿੱਗਜ਼ ਸਖ਼ਸ਼ੀਅਤਾਂ ਨਾਲ ਡਾਂਸ ਕਰਦਿਆਂ ਸਮਾਗਮ ਦਾ ਖੂਬ ਆਨੰਦ ਮਾਣਿਆ।