ਜਗਦੀਸ਼ ਟਾਈਟਲਰ ਦੀਆਂ ਮੁਸ਼ਕਿਲਾਂ ਵਧੀਆਂ, ਵਕੀਲ ਵੱਲੋਂ ਦਾਇਰ ਵਕਾਲਤਨਾਮਾ ਲਿਆ ਗਿਆ ਰਿਕਾਰਡ ‘ਤੇ

ਨਵੀਂ ਦਿੱਲੀ, (ਮਨਪ੍ਰੀਤ ਸਿੰਘ ਖਾਲਸਾ):- 1984 ਸਿੱਖ ਕਤਲੇਆਮ ਦੇ ਮੁੱਖ ਦੋਸ਼ੀ ਕਾਂਗਰਸੀ ਆਗੂ ਜਗਦੀਸ਼ ਟਾਈਟਲਰ ਦੀਆਂ ਮੁਸ਼ਕਿਲਾਂ ਅੱਜ ਹੋਰ ਵੀ ਵੱਧ ਗਈਆਂ ਹਨ।  ਸ੍ਰੀ ਹਰਜੀਤ ਸਿੰਘ ਜਸਪਾਲ, ਏ.ਸੀ.ਐਮ.ਐਮ., ਦਿੱਲੀ ਦੀ ਰੌਜ਼ ਐਵੇਨਿਊ ਅਦਾਲਤ ਨੇ ਅੱਜ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਸ. ਮਨਜੀਤ ਸਿੰਘ ਜੀ.ਕੇ. ਦੀ ਤਰਫੋਂ ਵਕੀਲ ਨਗਿੰਦਰ ਬੈਨੀਪਾਲ, ਵਕੀਲ ਵੱਲੋਂ ਦਾਇਰ ਵਕਾਲਤਨਾਮਾ ਰਿਕਾਰਡ ‘ਤੇ ਲੈ ਲਿਆ ਹੈ।  ਜੋ ਪੁਲ ਬੰਗਸ਼ ਕੇਸ ਦੇ ਗਵਾਹਾਂ ਵਿੱਚੋਂ ਇੱਕ ਹੈ।  ਸ.ਮਨਜੀਤ ਸਿੰਘ ਜੀ.ਕੇ ਦੇ ਵਕੀਲ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਮਾਣਯੋਗ ਅਦਾਲਤ ਨੇ ਸੀ.ਬੀ.ਆਈ. ਨੂੰ 5 ਫਰਵਰੀ 2018 ਨੂੰ ਜਾਰੀ ਕੀਤੇ ਜਗਦੀਸ਼ ਟਾਈਟਲਰ ਦੇ 5 ਵੀਡੀਓ ਸਟਿੰਗਾਂ ਦੀ ਸੀ.ਐੱਫ.ਐੱਸ.ਐੱਲ. ਰਿਪੋਰਟ ਪੇਸ਼ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਹਨ। ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਇਸ ਮਾਮਲੇ ‘ਚ 11 ਅਪ੍ਰੈਲ 2023 ਨੂੰ ਸੀ.ਬੀ.ਆਈ. ਨੇ ਇਹਨਾਂ ਵੀਡੀਓਜ਼ ਦੇ ਸਬੰਧ ਵਿੱਚ ਜਗਦੀਸ਼ ਟਾਈਟਲਰ ਦੀ ਆਵਾਜ਼ ਦਾ ਨਮੂਨਾ ਲਿਆ ਸੀ ਅਤੇ ਸ. ਮਨਜੀਤ ਸਿੰਘ ਜੀ.ਕੇ. ਨੂੰ ਨੋਟਿਸ ਭੇਜ ਕੇ ਉਸਦੀ ਗਵਾਹੀ ਦਰਜ ਕੀਤੀ ਸੀ।  ਇਸ ਦੇ ਨਾਲ ਹੀ ਸੀਬੀਆਈ ਨੇ ਟਾਈਟਲਰ ਦੀ ਆਵਾਜ਼ ਨਾਲ ਮੇਲ ਕਰਨ ਲਈ ਇਨ੍ਹਾਂ ਸਟਿੰਗ ਵੀਡੀਓਜ਼ ਦੀ ਆਵਾਜ਼ ਵੀ ਸੀਐਫਐਸਐਲ ਨੂੰ ਭੇਜੀ ਸੀ।