ਤਸਕਰੀ ਦੇ ਅਜੀਬੋ ਗਰੀਬ ਤਰੀਕੇ

ਸਿਡਨੀ-ਨਸ਼ੀਲੇ ਪਦਾਰਥਾਂ ਦੇ ਸਮਗਲਰ ਅਜੀਬੋ ਗਰੀਬ ਢੰਗ ਅਪਨਾਉਂਦੇ ਰਹਿੰਦੇ ਹਨ। ਇਕ ਔਰਤ ਨੇ ਕੰਡੋਮ ਵਿਚ ਹੈਰੋਇਨ ਭਰਕੇ ਨਿਗਲ ਲਈ। ਜਹਾਜ਼ ਵਿਚ ਸਫ਼ਰ ਦੌਰਾਨ ਕੰਡੋਮ ਫਟ ਗਿਆ ਅਤੇ ਨਸ਼ੇ ਦਾ ਓਵਰਡੋਜ਼ ਹੋਣ ਕਰਕੇ ਉਸ ਔਰਤ ਦੀ ਹਾਲਤ ਖ਼ਰਾਬ ਹੋ ਗਈ ਅਤੇ ਉਹ ਬੇਹੋਸ਼ ਹੋ ਗਈ।
ਉਸਦੀ ਹਾਲਤ ਨੂੰ ਵੇਖਦੇ ਹੋਏ ਸਿਡਨੀ ਆ ਰਹੇ ਜਹਾਜ਼ ਨੂੰ ਏਲਿਸ ਸਪਰਿੰਗ ਹਵਾਈ ਅੱਡੇ ‘ਤੇ ਐਮਰਜੰਸੀ ਲੈਂਡਿੰਗ ਕਰਨੀ ਪਈ। ਇਸਤੋਂ ਬਾਅਦ ਆਸਟ੍ਰੇਲੀਆ ਦੀ ਫੈਡਰਲ ਪੁਲਿਸ ਦੇ ਅਧਿਕਾਰੀਆਂ ਨੇ ਔਰਤ ਦੇ ਪਤੀ ਤੋਂ ਪੁੱਛਗਿੱਛ ਕੀਤੀ। ਹਸਪਤਾਲ ਵਿਚ ਦਾਖ਼ਲ ਔਰਤ ਦੀ ਹਾਲਤ ਇੰਨੀ ਖ਼ਰਾਬ ਸੀ ਕਿ ਉਸਦੇ ਪੇਟ ਚੋਂ ਕੰਡੋਮ ਕੱਢਣ ਲਈ ਅਪਰੇਸ਼ਨ ਕਰਨਾ ਪਿਆ। ਪੁਲਿਸ ਨੇ ਇਸ ਮਾਮਲੇ ਵਿਚ ਹੋਰ ਕੁਝ ਦਸਣੋਂ ਮਨ੍ਹਾਂ ਕਰ ਦਿੱਤਾ ਹੈ।